A lingua de signos é unha lingua natural de expresión e configuración xesto-espacial e percepción visual (e incluso táctil por certas persoas con xordocegueira), grazas á que as persoas xordas poden establecer unha canle de información básica para a relación co seu contorno social, xa sexa conformado por xordos ou oíntes. Mentres que coa lingua oral a comunicación establécese nunha canle vocal-auditiva, a lingua de signos faino por unha canle xesto-viso-espacial. Nos últimos anos, o interese pola aprendizaxe da Lingua de Signos incrementouse considerablemente; a gran demanda de persoas interesadas en coñecer e aprender esta lingua consolidou as clases de Lingua de Signos española de ALUSOR (Acción Lucense de Xordos).
A Aula Universitaria de Foz, en colaboración con ALUSOR, organiza un curso de Lingua de Signos que cumpre a normativa regulada pola fegaXor (Federación Galega de Persoas Xordas).
No hay comentarios:
Publicar un comentario